21-август күнү Инвестициялык Кеңештин Катчылыгында GIZтин " Борбордук Азиядагы климаттын өзгөрүшүн эске алуу менен жерди комплекстүү пайдалануу " регионалдык программасынын жана эл аралык E.Co Ltd консалтинг компаниясы. өкүлдөрү менен жолугушуу өттү. Жолугушуунун негизги темасы Кыргыз Республикасындагы Жашыл Климаттык Фондунун (GCF) Өлкөлүк программасын иштеп чыгуу болду.

Бул жолугушуу Кыргыз Республикасында климаттык каржылоону башкаруу жана сапаттуу долбоорлорду иштеп чыгуу боюнча мүмкүнчүлүктөрдү күчөтүүгө багытталган GCFтин даярдык долбоорунун кеңири аракеттеринин маанилүү бөлүгү болуп саналат. Долбоорду Кыргыз Республикасынын Жаратылыш ресурстары, экология жана техникалык көзөмөл министрлиги жана Климаттык каржылоо борбору менен биргеликте Deutsche Gesellschaft für Internationale Zusammenarbeit (GIZ) GmbH тарабынан ишке ашырылууда жана өлкөнүн климаттык көйгөйлөрдү чечүүдө колдоо көрсөтүүгө багытталган.

Жолугушууга Катчылыктын эксперттери Алмазбек Мусабеков жана Бакытбек Самаков катышып, климаттык каржылоо жана туруктуу өнүгүү контекстинде Кыргыз Республикасынын стратегиялык артыкчылыктарын белгилешти.

Ошондой эле жолугушууда климаттык чараларга байланыштуу улуттук процесстерди жана кызыкдар тараптарды картага түшүрүү процесси каралды. Эл аралык консультанттар тарабынан жетектелген бул процесс сектор аралык координацияны жакшыртууга жана GCFтин алкагында долбоорлордун портфелин өнүктүрүүгө багытталган.

Инвестициялык кеңештин Катчылыгы Кыргыз Республикасындагы инвестициялык климатты жакшыртууга жана туруктуу өнүгүүгө салым кошкон демилгелерди колдоону улантууда.