Кеңештин Катчылыгынын командасына Европа реконструкциялоо жана өнүктүрүү банкынын жол-жоболору боюнча конкурстук негизде тандалып алынган жети адам кирет:

Кыдырбаев Улук Асанкарыевич – Катчылыктын жетекчиси – Кыргыз Республикасынын Министрлер Кабинетине караштуу Инвестициялык кеңештин катчысы.

Улук Асанкарыевичтин мамлекеттик-жеке диалог платформаларында жеке сектордун өкүлү катары ийри тажрыйбасы бар. Ал иш жолунда, өкмөт менен жеке сектордун ортосундагы кызматташууну жакшыртууга, бул сферага позитивдүү өзгөрүүлөргө алып келүүгө аракеттерин жасап келет.

Эл аралык өнүгүү тармагында Улук Асанкарыевич инклюзивдик экономикалык өсүш, инвестициялык климат жана мамлекеттик-жеке өнөктөштүк маселелерине көңүл бурган. Натыйжада, бизнес жүргүзүү үчүн жагымдуу шарттарды жакшыртуучу, чакан жана орто ишканалар үчүн жумуш орундарын жана каражаттарын түзүү аркылуу жергиликтүү үй чарбаларынын мүмкүнчүлүктөрүн кеңейтүүчү кырктан ашык саясий реформаларды жетектеген.

Улук Асанкарыевичтин эксперттик багыттарына бизнес шарттарын жакшыртууну жактоо, жеке сектор менен кызматташуу, чакан жана орто бизнести өнүктүрүү, коррупцияга каршы саясатты жана мыйзам ченемдүүлүктү контролдоо системасын камсыздоо, жашыл экономика принциптерин илгерилетүү, жаштардын жана аялдардын экономикалык мүмкүнчүлүктөрүн кеңейтүүнү колдоо жана чакан жана орто бизнестеги корпоративдик башкарууну өнүктүрүү кирет.

Улук Кыдырбаев Женева Жогорку Институтунун (Швейцария) Өнүктүрүү саясаты жана практикасы боюнча аткаруучу магистр даражасына ээ.

Мусабеков Алмазбек Обосбекович – Кыргыз Республикасынын Министрлер Кабинетине караштуу Инвестициялык кеңештин катчылыгынын Экономикалык маселелер боюнча башкы эксперти.

Алмазбек Обосбекович мамлекеттик башкаруудагы көп жылдык тажрыйбасына ээ. Бираз тактай кетсек, Кыргыз Республикасынын Президентинин Администрациясында, Кыргыз Республикасынын Өкмөтүнүн Аппаратында, Кыргыз Республикасынын Президентине караштуу Стратегиялык изилдөөлөр улуттук институтунда, Кыргыз Республикасынын Өкмөтүнө караштуу Курулуш жана региондук өнүктүрүү боюнча мамлекеттик агенттикте ар кандай кызматтарды аркалаган. Ошондой эле, «Манас» эл аралык аэропорту» Ачык Акционердик Коомунун директорлор кеңешинин төрагасы болгон.

Алмазбек Обосбекович  Ж.Баласагын атындагы Кыргыз улуттук университетин экономист (финансы жана кредит) жана К.И. Скрябин атындагы Кыргыз айыл чарба институтун зооинженер кесибин бүтүргөн.

Алмазбек Обосбекович  Мамлекеттик жарандык кызматтын 3-класстагы мамлекеттик кеңешчиси класстык ченине ээ.

Самаков Бакытбек Таалайбекович – Кыргыз Республикасынын Министрлер Кабинетине караштуу Инвестициялык кеңештин катчылыгынын Укуктук маселелер боюнча башкы эксперти.

Бакытбек Таалайбекович юридикалык практикада жана юридикалык кеңештерде сегиз жылдан ашык профессионалдык тажрыйбасы бар юрист жана юридикалык эксперт.

Бакытбек Таалайбековичтин юридикалык кесипте, мамлекеттик кызматта жана эл аралык долбоорлордо чоң тажрыйбасы бар. Ал жарандардын жана юридикалык жактардын кызыкчылыктарын укуктук жактан коргоодо тажрыйбасы кең. Ошондой эле корпоративдик укук жана бизнести башкаруу жаатында эксперттик кеңештерди берет. Эмгек жолунда Кыргыз Республикасынын Интеллектуалдык менчик боюнча мамлекеттик кызматында, Кыргыз Республикасынын Жогорку Сотунун Аппаратында, Кыргыз Республикасынын Жогорку Кеңешинде, ошондой эле Азия Өүнүктүрүү Банкы, USAID/IDL, ПРООН ж.б. агенттиктердин долбоорлорунда ийгиликтүү иштеп келген.

Осмонканов Нургазы Осмонканович – Кыргыз Республикасынын Министрлер Кабинетине караштуу Инвестициялык кеңештин катчылыгынын Коммуникация жана коомчулук менен байланышуу адиси.

Нургазы Осмонканович - жергиликтүү жана эл аралык уюмдарда иш тажрыйбасы бар коммуникация жана коомчулук менен байланыш боюнча адис. Нургазы АКШнын Бишкектеги элчилигине, Улуу Британиянын Бишкектеги элчилигине, Борбор Азия Университетинде ж.б. ийри уюмдарда иш тажрыйбасы бар.

Инвестициялык кеңешке келгенге чейин Нургазы DVV International уюмунун аймактык кеңсесинде коомчулук менен байланыш боюнча адис болуп эмгектенген.

Нургазы Осмонканов Кыргыз-Түрк “Манас” университетинин эл аралык мамилелер боюнча бакалавр даражасына ээ.

Бечелова Жазгуль Мукашевна – Кыргыз Республикасынын Министрлер Кабинетине караштуу Инвестициялык кеңештин катчылыгынын Административдик иштер боюнча адиси.

Жазгуль Мукашевна Бириккен Улуттар Уюмунун (БУУ) бир канча агенттиктеринде, анын ичинде Түштүк Судандагы Бириккен Улуттар Уюмунун Миссиясында (UNMISS), Бириккен Улуттар Уюмунун Өнүктүрүү Программасында (ПРООН) жана Бириккен Улуттар Уюмунун Баңгизат жана кылмыштуулук боюнча башкармалыгында (UNODC) бир канча жыл административдик жаатында иш алып барган. Жазгуль БУУ тармагында каржылык, ошондой эл аралык деңгээлде административдик жана адам ресурстарын башкарууну камтыган сегиз жылдан ашык тажрыйбасы бар. 

Жазгуль Мукашевна акыркы кызматында UNMISS медициналык тармагында административдик кызматкери катары финансылык башкаруу, бюджетти түзүү жана талдоо, адам ресурстарын башкаруу сыяктуу негизги административдик колдоо үчүн жооптуу болгон. Аталган иштер Жазгүлгө БУУнун тынчтыкты сактоо миссияларынын алкагындагы бюджеттик процессти терең түшүнүүгө жардам берди.

Жазгүл Мукашевна Кыргыз-Орус Славян университетинин эл аралык экономика жана эл аралык укук боюнча бакалавр даражасына ээ.