23-октябрда Бишкекте өтүп жаткан Мамлекеттик-жеке өнөктөштүк (МЖӨ) боюнча IV Эл аралык форумдун экинчи жарымында катышуучулар өнөктөштүктүн практикалык аспектилерин талкуулап, транспорт, билим берүү жана энергетика тармактарындагы ийгиликтүү мисалдарга токтолушту.
Транспорттук инфраструктурадагы өнөктөштүк: инвестициялар жана инновациялар
Биринчи сессия «Мобилдүүлүк менен инвестицияны байланыштоо: МЖӨ транспорттук сектордун өнүгүүсүнө кантип көмөктөшөт» деген тема менен өттү.
Модератор — Каратай Жангельдиев, Президенттин алдындагы Улуттук инвестициялар агенттигинин алдындагы МЖӨ борбору.
Сессиянын спикерлери: Нурлан Кайынбаев (ОсОО «Тез Жол»), Алмаз Сазбаков («Элдик Банк»), Мустафа Озлар (AARG) жана Таалайбек уулу Каныбек (BPC KG).
Катышуучулар транспорттук инфраструктуранын туруктуу өнүгүүсү үчүн узак мөөнөттүү өнөктөштүктүн, инновациялык ыкмалардын жана каржылоо механизмдеринин маанисин белгилешти.
Адамдык капиталдын өнүгүүсү: жаңы муундагы адистерди даярдоо
Экинчи сессия «МЖӨ үчүн кадрлар: Евразия өнүктүрүү банкынын долбоордук командаларды жана жаңы адистерди өнүктүрүүдөгү салымы» темасында өттү.
Модератор — Светлана Маслова, Евразия өнүктүрүү банкынын МЖӨ долбоорлору боюнча директору.
Спикерлер: Айнура Кочербаева (КРСУ), Миниса Абдулаева (РТСУ), Ивета Степанян (РАСУ).
Талкууда билим берүү менен практика байланышын бекемдөө, жаңы адистерди даярдоо жана ГЧП долбоорлорун натыйжалуу башкаруу үчүн билим берүү системасын өнүктүрүү маселелери көтөрүлдү.
Энергетиканын келечеги: жаңылануучу булактар жана жеке инвестициялар
Үчүнчү сессия «Келечектин энергиясы: МЖӨ энергетика тармагын өнүктүрүүдөгү ролу» аталышы менен өттү.
Модератор — Абду-Салам Таиров, Улуттук инвестициялар агенттигинин алдындагы МЖӨ борборунун өкүлү.
Спикерлер: Эркин Асрандиев (Эл аралык каржы корпорациясы), Эмиль Орозбаев (Жашыл энергетика фонду), Эльвира Боромбаева («Кичи ГЭСтер ассоциациясы»), Марат Жаманбаев (жеке сектор).
Катышуучулар мамлекеттик-жеке өнөктөштүк энергетикалык коопсуздукту камсыздоонун жана “жашыл экономикага” өтүүнүн маанилүү куралы экенин белгилешти.
Билимди институционалдаштыруу: МЖӨ академиясынын ачылышы
Биринчи күндүн жыйынтыктоочу этабы катары МЖӨ Академиясынын классы ачылды. Академия ГЧП тармагындагы адистердин компетенцияларын өнүктүрүүгө жана эл аралык мыкты тажрыйбаларды жайылтууга багытталган.
Кыргыз Республикасынын Министрлер Кабинетине караштуу Бизнести өнүктүрүү жана инвестициялар боюнча кеңештин Катчылыгы белгилегендей, МЖӨ долбоорлорунун ийгиликтүү ишке ашуусу мамлекеттик органдардын, бизнес коомчулугунун жана өнөктөш уюмдардын тыгыз кызматташуусуна түздөн-түз байланыштуу.
Региондордо бул ишти алдыга жылдырууда Регионалдык инвестициялык кеңештер (РИК) маанилүү роль ойноп, МЖӨ долбоорлорун илгерилетүү жана инвестициялык климатты жакшыртуу боюнча натыйжалуу аянтча болуп кызмат кылууда.